Вы здесь

Мировые цены на продовольствие в январе 2019 года снизились по отношению к декабрю 2018-го

18.02.2019

Увядзенне гандлёвых абмежаванняў, эскалацыя таварных спрэчак паміж найбольш моцнымі гандлёвымі партнёрамі, стварэнне ў міжнародных маштабах больш жорсткіх умоў карыстання рэсурсамі на крэдытных рынках і валацільнасць валютных курсаў, павышэнне кошту сырой нафты — менавіта гэтыя негатыўныя трэнды цяпер закранаюць шырокае кола экспартных тавараў і ўплываюць на буйнейшыя эканомікі планеты, пишет sb.by.

Паводле высноў экспертаў Сусветнай гандлёвай арганізацыі (СГА), у 2019 годзе тэмпы росту сусветнага гандлю таварамі зменьшацца да 3,7 працэнта (ранейшы прагноз быў на ўзроўні 4 працэнтаў) пры непасрэдным зніжэнні сёлета росту сусветнай эканомікі да 2,9 працэнта.

Годнае месца на сусветных рынках па-ранейшаму займае доля вытворчасці і продажу харчавання. Як правіла, станоўчы прагноз на будучы ўраджай і запасы харчавання, створаныя ў глабальным маштабе, стрымліваюць цэны. Па звестках справаздачы “Харчовы прагноз”, якую двойчы на год прадстаўляе Харчовая і сельскагаспадарчая арганізацыя Арганізацыі Аб’яднаных Нацый (ФАО), кошт сусветнага імпарту харчавання за 2018 год дасягнуў 1,467 трыльёна долараў (вызначыўся рост на 3 працэнты ў параўнанні з 2017-м). У згаданай вышэй справаздачы ФАО традыцыйна аналізуюцца тэндэнцыі і бягучая сітуацыя на рынках зерневых і алейных культур, цукру, мяса, малочных і рыбных прадуктаў.

Як стала вядома, сусветныя цэны на харчаванне ў студзені гэтага года знізіліся адносна снежня 2018-га. Такім чынам, індэкс харчовых цэн ФАО склаў 164,8 пункта, што на 2,2 працэнта (на 3,7 пункта) меней, чым напрыканцы мінулага года. Нагадаю, індэкс харчовых цэн Харчовай і сельскагаспадарчай арганізацыі ААН — гэта сярэднеўзважаны паказчык, які адсочвае дынаміку міжнародных цэн на некалькі асноўных харчовых груп тавараў, пра якія гаварылася вышэй.

Наша краіна з’яўляецца традыцыйным экспарцёрам сельгаспрадукцыі і харчавання на сусветны рынак, забяспечваючы пры гэтым уласную харчовую бяспеку насельніцтва. Так, паводле заявы прадстаўніка Міністэрства сельскай гаспадаркі і харчавання Аляксея Багданава, піша belta.by, у бягучым годзе Беларусь плануе дасягнуць узроўню экспарту па гэтых пазіцыях да 5,7 мільярда долараў, пры далейшай і неабходнай яго дыверсіфікацыі. У агульным аб’ёме гэта на 8,6 працэнта больш, чым у 2018-м. Планы на 2020-ты — 6,2 мільярда долараў.

Паводле меркавання спецыяліста міністэрства, безумоўна, зараз мы аналізуем і прагназуем развіццё сельгасвытворчасці на рынках краін-партнёраў па ЕАЭС, Садружнасці Незалежных Дзяржаў, вывучаем лагістыку паставак у рэгіёны Азіі і Акіяніі, дзяржавы Персідскага заліву, Афрыкі, вядзем неабходную сертыфікацыю нашых прадпрыемстваў для выхаду на рынкі Еўрасаюза і Амерыкі.

Дарэчы, летась экспарт айчыннай сельгаспрадукцыі і харчавання ў Кітай вырас у 4,4 раза ў параўнанні з 2017-м, дасягнуўшы 82,4 мільёна долараў. У лідарах — малочная прадукцыя. Да таго, Беларусь уваходзіць у топ-10 дзяржаў, якія маюць акрэдытацыю і адпаведныя сертыфікаты на пастаўкі мяса на кітайскі рынак. Не трэба таксама забываць, што КНР адведзена стратэгічная роля для развіцця “харчовага” экспарту ў большасць краін Азіі.

Асобы акцэнт аграрнікамі і перапрацоўчай галіной у 2019 годзе будзе рабіцца на паглыбленне перапрацоўкі сельгаспрадукцыі: каб гандляваць не столькі сыравінай, колькі гатовай харчовай прадукцыяй з максімальнай дабаўленай вартасцю. Брэнд “Зроблена ў Беларусі” павінен заззяць сёлета новымі гранямі якасці і прэстыжу.

Новости по теме:
Средняя цена на сырое коровье молоко в странах ЕС продолжает снижаться в условиях увеличения производства, но пока...
Индекс цен на потребительские товары в марте 2018 года по сравнению с февралем 2018 г. составил 100,1%, с декабрем 2017...
Эксперты USDEC (Американского совета по экспорту молочных продуктов) ожидают рост объемов торговли молочной продукцией...
PRODUKT.BY
220005, г. Минск, ул. Платонова, 22-707

+375 (17) 33-16-555
+375 (17) 33-16-777
+375 (29) 755-95-50
 

*Права защищены, любое использование информации без ссылки на источник produkt.by запрещено.

*За содержание рекламных сообщений ответственность несут рекламодатели.